戰鬥塔100場連勝但劇情冇改變??

lin9yee · 發表於 14/6/2008 05:01 PM

我已經o係戰鬥塔連勝了100場,
trainer's card亦升左級,
但我今日去打宿敵..
佢d精靈仲係50~60lv..同之前一樣..
點解會咁??

仲有..有冇人試過下面呢3種情況?有冇人知發生咩事??:funk:
1) o係博士個鎮同有gts個鎮o既pc...
有個女仔阻住左唔俾我落地下...(玩wifi果度)
情況就好似初初玩果時咁...
之前幾日我仲落到去...尋日就發覺唔得..
但係其他pc就冇問題..可以落到地下..

2) 有時華麗大賽出面門口會見到gym 5館主(紫髮果個)..
同佢講野佢會走左...
入到去會見到有個藍髮男仔o係中間櫃台前面向女職員企左o係度..
同佢講野佢會俾個lv60的黃金麵包我..
之後就向右行....企o係右面櫃台附近..
呢個情況我o係呢個week發生過2次...
之前爆左機+有全國圖鑒後咁耐都係未試過的..
我想問..係咪定時定侯就會有呢個情況出現嫁?

3) o係華麗大賽果個鎮(gym 5)...
通往208路關卡o既右面出面...
有個用no.427果隻兔仔遮住自己塊面o既女仔企左o係度...
同唔到佢講野....淨係好似碌木咁企左o係度...
之前又係未見過佢(肯定!!)...
做咩無啦啦會多左個人企o係度o既....?

雪散霞花 · 發表於 14/6/2008 06:39 PM

雖然我冇100場咁勁~

但係宿敵點解會有7x lv既精靈ga=口=?

所以我諗戰鬥塔連勝唔關宿敵lv問題~

sapphire · 發表於 14/6/2008 06:51 PM

挑戰四天王登入殿堂達10次後, 宿敵手持的精靈增加10個level

lin9yee · 發表於 14/6/2008 11:16 PM

原帖由 sapphire 於 14/6/2008 06:51 PM 發表
挑戰四天王登入殿堂達10次後, 宿敵手持的精靈增加10個level

唔該晒=]
但係有冇邊度可以睇到自己打左天王幾多次?

stargazer · 發表於 14/6/2008 11:37 PM

離下題... 我想知邊度可以重打宿敵?
因為太耐無玩所以唔知= =

梓 · 發表於 14/6/2008 11:44 PM

原帖由 stargazer 於 14/6/2008 23:37 發表
離下題... 我想知邊度可以重打宿敵?
因為太耐無玩所以唔知= =

FAQ第23條有講

fish · 發表於 14/6/2008 11:44 PM

原帖由 stargazer 於 14/6/2008 23:37 發表
離下題... 我想知邊度可以重打宿敵?
因為太耐無玩所以唔知= =

23.我很掛念宿敵,他在哪啊?
Ans:到ハードマウンテン(Stark Mountain)跟他談話後,他便會逢星期六及日在戰鬥塔南方(PC的東方)出現,你可以跟他談話並對戰

louisex327 · 發表於 17/6/2008 07:19 PM

可以係電腦check到你打左幾多次天王

lin9yee · 發表於 18/6/2008 04:21 PM

原帖由 louisex327 於 17/6/2008 07:19 PM 發表
可以係電腦check到你打左幾多次天王

點樣check?可唔可以講得詳細d?

siuty · 發表於 19/6/2008 11:53 AM

原帖由 lin9yee 於 18/6/2008 16:21 發表

點樣check?可唔可以講得詳細d?

進入電腦後按尾2(即係離開上面嗰個)

入面有你第幾次同打個次用的精靈

		自動登錄	找回密碼
密碼			加入

戰鬥塔100場連勝但劇情冇改變??

回復 4# lin9yee 的帖子