「……好喇！各位同學而家可以分班。」富迪校長終於嘔埋佢最後一句出黎啦！全校學生回復睡眠狀態。
「唉呀！估唔到要同兩個賊同班，真係天意弄人。」一隻電螢蟲自動走到奇多同啟螳面前，作出挑釁。
「講咩呀你，你唔好以為你上次靠圍毆打贏我地就好把閉喎！係咪要一開學就爆頭呀！死肥蟲！」奇多發火，想打人咁。
「第一，我唔係叫死肥蟲，係八達輪 彼得。第二，你ＥＤ流氓冇資格同我打，係咁！」
「你……」
正當奇多準備使出冷凍光束攻擊彼得，就有老師黎，唯有將冷凍光束食番落肚，坐番埋位。
「各位同學早晨，我係你地o既班主任橙sir（柯波朗）……」（由於所有學校第一日o既開場白都係差唔多，又比作者ＣＵＴ左啦！）
「嗱！大家都知道Ｅ到係探險隊學校啦！名符其實，Ｅ到係訓練探險隊o既，同時亦都可以比各位同學加入成為探險隊o既一份子，邊位同學有興趣o既，就……
轟轟轟∼
突如其來o既一聲巨響，蓋過左橙sir把聲，全班都嚇左一跳
「各位同學冷靜Ｄ，我出去睇下發生咩事。」
就係橙sir正想行出去睇下咩事，班房o既牆就比人打爆左，而牆後面o既就係一隻身高兩米o既火焰雞…
「哈哈哈！各位同學好嗎？我就係札洛比卡o既邪神，頭先我聽到你地o既橙sir招攬人加入探險隊喎，究竟邊個咁唔識死想加入做探險隊呀？」全班都聽到果隻火焰雞用恐嚇細路o既語氣咁講，梗係淆哂抵啦，仲點會肯做探險隊呀？
「收啦你！我係要做探險隊呀！果到有免費三餐，唔做就真係蠢呀！」奇多突然企出黎咁講（奇多要做探險隊o既原因令到全班滴汗:L ）
邪神見到係佢o既恐嚇之下都仲有人話要做探險隊，梗係火都黎埋啦！惱羞成怒o既佢即刻派出佢o既手下–搖籃百合*1、觸手百合*4
其中搖籃百合o既size仲比普通o既大一倍有多。
「嘩！好得意o既花呀！」奇多露出左佢鍾意植物o既本性，衝埋去攬住Ｄ觸手百合（全班滴汗:L ）
「哼！唔好睇佢地多似好可愛咁呀！比Ｄ顏色佢地睇下。」邪神命令
「小心呀！」
可惜太遲，就係邪神講完Ｅ句之後，五隻百合一齊使出寄生種子，打中左好多人，當然包括攬住觸手百合o既奇多啦！
Ｄ寄生種子一入到去PM o既體內，即刻生出類似籐o既物體，仲係咁吸血。
「高速旋轉！」就係Ｅ個時候橙sir使出左高速旋轉，解救左Ｄ被寄生種子擊中o既學生。
「實在太可惡啦！居然將Ｄ咁可愛o既植物基因改造，仲攪到佢地失哂理性，唔可以原諒！」奇多露出極之憤怒o既眼神！然後衝埋去果４隻觸手百合果到，倒左Ｄ特殊o既液體落去，果４隻觸手百合即刻冇哂力，仲死下死下咁。
「你…你對佢地做過Ｄ咩黎呀？」邪神問
「哼！劇毒！冇幾來佢地就會毒發身亡，屍體仲會潰爛，嘿嘿嘿！」
「魔鬼呀！」果４隻觸手百合即使淆抵閃開，走都走唔切。
「奇多！你點可以帶Ｄ咁恐怖o既野番學架！」橙sir問
「其實唔係劇毒黎嫁，只係Ｄ特殊o既藥物，當植物吸入體內就會有類似中劇毒o既現像，其實佢係會幫Ｄ受基因改造o既植物回復正常，我又點會咁狠心對Ｄ咁可愛o既植物下毒手喎！:loveliness: 」（全班再次滴汗:L ）
「唉！唔使問梗係係沙奈朵果到偷番黎啦！不過今次就當係你將功補過，唔告你啦！」彼得道「而家就等我地一齊搞掂隻衰雞！」
「我都黎幫手！」橙sir＆啟螳道
「冷凍光束」「電光石火」「十萬伏特」「近身拳擊」四條友一齊攻擊邪神
全世界都以為邪神死緊啦，點知佢突然禁一粒制，果隻搖籃百合就上前做左佢盾牌，擋哂Ｄ招
「哈哈哈！唔好以為咁容易就可以打敗我喇！今次就算你地好彩，下次你就知死！」邪神講完之後，就閃左人啦！
「雖然搖籃百合係死左，但係佢留低左一粒種子，埋佢係後花園到啦！」橙sir道。
---------------------------------------------------------------------------------------------------------------------------------------------------------------------------------------
:time: :time: :time: :time: 放學後:time: :time: :time: :time:
---------------------------------------------------------------------------------------------------------------------------------------------------------------------------------------
肥波球：「你地真係想加入探險隊？」
奇多＆啟螳：「係！快Ｄ同我地登記啦！咦？」
肥波球：「ＺＺＺ…
奇多＆啟螳：「唉！果然真係訓左:L 」
待續…
[ 本帖最後由 David王 於 23/4/2009 10:01 PM 編輯 ] |
樓主: 柊．David
樓主
