－－以下文字皆為個人抒發，並無觀看以及品味價值，請讀者莫要抱任何期待，多謝－－
今日終于睇咗期待已久嘅《十月圍城》，無去戲院，自己喺屋企睇藍光高清。之前已經好多人話我知：睇完《十月圍城》之后，明白到『新』中國嘅建立喺好唔容易咖。無錯，呢部的確喺一部好引人思考嘅電影，但新中國之『新』義，又有幾多人惗到呢？
《十月圍城》講述嘅背景喺辛亥革命前夕嘅西元1906年，時被公認為中國革命領袖嘅國父孫文觝達香港參加十三省革命會議，香港當地嘅興中會分會組織人力保護孫文嘅事件。
中國電影入面確實缺乏描述『辛亥革命』嘅題材，就算有，都祇喺不斷去刻畫革命領導者嘅光輝形象，而《十月圍城》則喺從普通老百姓身上去細致刻畫平民心中嘅『革命』。片中人，除咗陳少白，孫文同十三省代表等等嘅少數人之外，主要人物嘅行為本意都唔喺為咗革命！
李玉堂因為要僅循好友陳少白嘅意願而策劃行動、組織人力；
啊四因為想另自己嘅『老爺』高興而參與行動；
方天因為要帶領自己嘅兄弟雪冤而參與行動；
方紅因為要完父親未完之心願而參與行動；
劉鬱白因為想要得到解脫、且報答為自己贖回鐵扇的李玉堂；
沈重陽因為要自己嘅女人和女兒生活幸福；
王復明因為李玉堂嘅大義之言；
史密夫因為要保護自己嘅朋友等等等等。
呢一切嘅行動，都唔喺為革命而進行嘅，但都有一個共同嘅目的，就喺為咗他人可以活得更好，而呢個共同嘅目的就正正被滙聚成一個最高行動綱領－保護孫文！
而孫文革命嘅目的，正正就喺為咗全中國四萬萬嘅國民可以活得更好！
劇中主要人物最終都基本犧牲曬，革命唔喺一件容易嘅事，正如劇中陳少白所言：『革命就是用我們這一代的犧牲，來換取重光那一代的幸福』，又如孫文所言：『欲求文明之幸福，不得不經文明之痛苦』。
本片去到最后，孫文以帶有淚光嘅眼神望著逐漸遠離佢嘅香港，佢意識到，單單今次一小時嘅會議，就已經付出咗咁多條寶貴嘅性命，中國革命將會有更多嘅生命犧牲！
佢哋嘅犧牲，最終換來西元1911年10月10日嘅武昌起義成功，席卷全國上下嘅辛亥革命爆發，最終推翻滿清嘅殖民統治，光復中華，建立起中華民國。
歷史上，孫文臨死前嘅說話喺：『革命尚未成功，同志仍需努力』。后來嘅中華民國，未能貫徹孫文生前嘅建國方略同民主方針，先喺軍閥割據、蘇俄顛覆，再喺政治腐敗、日寇入侵，最終內戰不息、共匪竊國！
睇返電影入面，每個人死嘅時候都有生卒年份，大家嘅死亡事件都喺1906年，今年喺2010年，整整104年，國父孫文嘅理念祇喺實現於一個偏居一隅嘅小島，未能遍及全中國，惗到呢到，我不禁會概嘆，中國之民主道路，尚需要幾多人好似片中人物一樣，為他人活得更好，而拋頭顱、灑熱血！
最后，祇可以一言以蔽之：
『革命尚未成功，同志仍需努力』—國父 孫文
另外：睇完之后，覺得師傅講的啱，有種革命黨愚弄老百姓而自保嘅感覺，不過，畢竟革命都喺由少數野心家同大多數情緒化嘅群衆嘅結合體，無計咖喇~~~~
－－以上－－ |
收藏
分享
撐
踩
提升卡
變色卡
千斤頂
樓主
