本帖最後由 NDS之子 於 14/8/2012 03:32 AM 編輯
暑期功課...
幾乎每次都係暑假結束前一至兩星期先開波
(實際上係最後幾日 之前HEA做到不得了)
講起呢樣我有兩件事印象深刻
1.每次當我開始做暑期功課的時候
都會發現自己隻手好似唔記得左點寫字
可能係成一個半月冇拿起過支筆
寫出來D字好似醉左酒咁
要用大約幾分鐘時間適應番
2.記得小學六年級前果次暑假
有兩大本暑期作業同成打PAPER要做
全部要係第一日開學交
但係直到番學前兩日我只係完成左其中一本暑期作業:hug:
番學前一日係度諗做唔做埋另一本
當時傻傻地咁認為可以係番學前幾個鐘KO成本作業佢 (我番下午校)
跟住就繼續玩...:hug:
到左開學日 朝早我6點起身
認真做左幾頁已經用左成粒鐘:hug:
果陣先識死
結果後面果D... 好多空格我連題目都冇睇 亂咁畫一兩筆
遠睇好似寫左答案咁就算
偶而先有一兩題真係寫字
但係咁樣都用左我成朝去完成:hug: 仲差D遲到
番到學校交得兩本作業... 比MISS鬧其他PAPER係邊
我講大話 話自己唔記得有PAPER
比成班望住+MISS鬧左我一餐...
番到屋企當然做番哂所有PAPER佢LA
但係果本比我亂咁畫的暑期作業又點算呢...
每次老師提起話下堂拿番D暑期作業出來一齊改
我都好驚 但係次次到左下堂又做左第二樣野...
直到學期尾
老師竟然連答案派番哂比我地叫我地自己番屋企改...
開心到.. 即刻放鬆哂 |
樓主: Flygon2076
樓主